«سالہ گن»

سالہ گن

سالہ گناتہ

سالہ گراتہ


سالہ سئ

سالہ سرد


سالہ زمسونہ سخت

سالہ تاؤسونہ داغ

سالہ هفارہ درد

سالہ داغہ بئ سا دار ؤ درخت

سالہ افتؤہ بوستاق

سالہ دغ


سالہ یخ بستن کئاؤ

سالہ گلہ برئژہ ماهي مئنہ گلا‌ل بئ آؤ


سالہ اؤرہ جئیَرسوز

سالہ آسمونہ تم توز

سالہ کاسؤی همش سوخت ؤ سوز

سالہ ده بوغض نقل‌دوز


سالہ بئ بارو، بئ ثمر

سالہ چاؤ ؤ چمر

سالہ سئ باهار

سالہ کوشتنہ برار

سالہ گوم کردن خوهَر

سالہ موردنہ بوہ

سالہ دا چش وه در

سالہ دوار دہ ور

سالہ خرره وه سر


سالہ دیرو بئتر دہ ائمرو

سالہ بئ ارجہ، بئ گیرچ، بئ مرو



سالہ تاشنہِ نہ بررد بوآس

سالہ بئ نروم

سالہ لالکہ‌حاس


سالہ طاقتہ توزسہ

سالہ دلئ‌یا تورسہ

سالہ رتنہ تؤ

سالہ پلم

سالہ دس ؤ سر ؤ پا پَتي

سالہ در منہ نہ مہ

سالہ دررمنہ نہ مہ


سالہ چارچولہ

سالہ پزودس بئ سرو

سالہ درر ؤ دوز ؤ درو

سالہ پٍتوزه‌ پورپور

سالہ پرپیت، پٍرتوک، پترؤ

سالہ خرمہ‌جا کہ بئ هولہ

سالہ بئ داس ؤ درؤ

سالہ قرتاسہ پُر داسہ

سالہ زوونہ قورتسہ

سالہ دمہ ده یک روقسہ

سالہ تییہَ‌یا پنمسہَ

سالہ پِنوم

سالہ پَشوم

سالہ همی همسا

سالہ سئ بئ کاسمسا


سالہ رو حشکہ ور تاؤہ

سالہ هہ رو، هہ رو

سالہ را را

سالہ لاؤہ لاؤہ

سالہ رولہ رولہ

سالہ کتل


سالہ گن

سالہ گناتہ

سالہ گراتہ

ﺟﻤﻌﻪ ۱٤ ﺗﯿﺮ ۱۳۸٧ 


ﮔﻨﺎﺗہ : ﻧﺤﺴﯽ

ﮔﺮﺍﺗہ : ﮐﺎﺭﺉ ﮐﻪ ﮔﯿﺮﺍﻓﺘﺎﻩ ﺩﺵ

ﺳﺊ : ﺳﺌﺎ

ﭘﻠﻢ : ﺑﻮﻧہ ،‌ﺑﻬﻮﻧہ

ﺳﺊ ﺑاهﺎﺭ : ﺑﻬﺎﺭہ ﺑﺊ ﺑﺮﮐﺖ

ﺗﻢ ﺗﻮﺯ : ﮔﺮﺕ ﺅ ﺧﺎﮎ

ﭼﺎﺭﭼﻮﻟﻪ : ﺣﻘﻪ، ﻓﻦ، ﮐﻠﮏ

ﺍﺭﺟہ: ﻧﻮﻣہ ﺩﺭﺧﺘﺌہ

وئ : درخت بید فارسئا

ﮔﯿﺮﭺ: ﺯﺍﻟﺰﺍﮐہ ﻓﺎﺭﺳﺌﺎ

ﻣﺮﻭ: ﮔلاﺅﯼ، ﺍﻣﺮﻭﺩ ﻓﺎﺭﺳﺌﺎ

ﭘﺰﻭﺩﺱ: ﺧﺮﺍﺅ ﮐﺎﺭ، ﺁﺯﺍ ﺑﺸﮑﻦ

ﺩﺭﺭ: ﺩﯾﭽہ ﯾﻌﻨﯽ ﺩﺭﻧہ

ﺩﻭﺯ: ﺩﯾﭽﻪ ﺩﻭﺧﺘہ ، ﺩﻭﺯﻧہ

ﭘٍﺘﻮﺯہ: ﺍﺧﻤﻮ، ﺑﺪ ﮔﻞ، ﭘﺖ ﻗﻮﯼ

ﭘﺮﺗﻮﮎ: ﻫﺮﺭﻣہ، ﺑﺊ ﻧظم ﻭ ﻗﺎﻧﻮﻥ

ﭘﺘﺮﺅ: ﺑﻘﭽﻪ ﯾﺎ ﺯﻧﻮ ﮐﻪ ﭘﺮﻭﺷﻮ ﮐﺆﻧہ ﺑﯿہ

ﻗﺮﺗﺎﺳﻪ: ﻗﺮﻗﺮﻩ، ﺗﺸﻨﯽ، ﺣﻠﻖ

ﭘﻨﻮﻡ،ﭘﺸﻮﻡ،ﻫﻤﯽ ﻫﻤﺴﺎ: ﻫﺮ ﮐﻢ ﻧﻮﻣہ ﯾﻪ ﻣﺮﯾضی ﺍﻥ.

ﻫﻔﺎﺭ: ﻫﻮﺍ ﮔﺮﻡ، بازدم فارسی

ﺑﺴﺘﺎﻕ: ﻭﺳﺘﺎﻕ، ﮔﺴﺘﺎﺥ

/ 4 نظر / 10 بازدید
رضا

داشی تا رسم‌الخطت لريت جا مفته ، انگليسيش هم بنويس. البته پيشنهاده

مهدی ویس کرمی

سلام داش احد هناسه ات یه مجؤ گرم. افتام وا ویر قصه که او روزیت که خدمتت بیم: سال اؤر جگر سوز سال آسمون تم و توز سال کاسوی ......[نیشخند] حنک وات کردم. ولی ها بی ها رت سال گنئ بی.

وه تو چی

مه که چیی نفمسم